الناس مختلفة ومتباينة ده طبيعي جدا لكن الفترة التاريخية والتحول الديمقراطي والثورة المضادة وكل الكلام البديع من الا خوة المتحمسين جدا والسؤال الصعب أنزل التحرير ولا مانزلش و لقيت مناقشات ترتقي الي الخناقات والأتهامات الجاهزة من الطرفين لكن في الأخر كل طرف بيمسك في رأيه وخلاص علي كده يس بصراحة الأتنين مش غلطانين يعني اللي عايز ينزل ده كويس ليه لأن وقفة التحرير دي أكبر ضمان لتحقيق المطالب لكن برضه ميبأش زي أعتصام 25 يناير يعني اعتصام متابع مش اعتصام عند.. طب واللي شايف ان التحرير موجود وممكن نصبر شوية لحد مانشوف أحنا وصلنا فين أقولك وماله ده كمان حل كويس نصبر ونشوف ختامها هيكون أـيه؟ وبعدين ندي الجيش وقت عشان لو نزلنا زي 25 يناير البلد هتولع والمره دي هنقابل الجيش دي حكمة ورأي جامد ليه أحترامه زي الأولاني بس أنا نفسي الناس نفكر أوي في كل حاجة قبل ماتاخد القرار ومتاخدش القرار تحت التأثير المبالغ فيه لكل من يحاول أجتذاب الأخر وتذكر انت سيد قرارك وانظر لمصر عشان قرارك وعن نفسي مش هقولك ايه قراري
ليست هناك تعليقات:
إرسال تعليق